A Asociación Área Empresarial do Tambre pon en marcha o Programa Integrado de Emprego 2025-2026, un proxecto que se desenvolverá entre o 27 de outubro de 2025 e o 26 de outubro de 2026, destinado a apoiar a inserción laboral de:
Mulleres en situación de desemprego
Persoas menores de 30 anos desempregadas
Persoas inmigrantes desempregadas
O programa ofrece 100 prazas para persoas desempregadas interesadas en mellorar a súa empregabilidade e acceder a novas oportunidades laborais.
O Programa Integrado de Emprego combina formación, orientación e prospección laboral para mellorar as posibilidades de inserción dos participantes. As principais accións son:
Orientación laboral
As persoas participantes recibirán apoio individualizado en técnicas de busca de emprego, elaboración de currículos e preparación para entrevistas. As actividades do programa están deseñadas para potenciar a confianza, reforzar a motivación e ampliar os contactos sociolaborais.
Cursos formativos
Inclúe cursos especializados adaptados ás necesidades actuais do mercado laboral, proporcionando aos participantes coñecementos prácticos e relevantes para mellorar a súa empregabilidade.
Prospección laboral e contacto con empresas
O programa facilitará o contacto directo coas empresas da zona para identificar oportunidades de emprego e apoiar a inserción laboral dos participantes.
Prácticas non laborais
As persoas participantes poderán realizar prácticas non laborais en empresas, adquirindo experiencia profesional real e mellorando a súa preparación para acceder ao mercado laboral.
Axudas para o transporte
Para garantir a participación, o programa ofrece axudas de transporte, asegurando que a mobilidade non sexa un impedimento para asistir ás actividades e formación.
Para máis información sobre o Programa Integrado de Emprego 2025-2026 e os requisitos de inscrición, pódese contactar a través dos teléfonos: 981 552 850 ou 620 378 217.
